EUSKAL HERRIKO IKASTOLEN KOMIKI LEHIAKETAREN BIGARREN EDIZIOA JARRI DUTE MARTXAN IKASTOLEN JAIEK

2022/03/29

Gernikako bonbardaketa izan da Euskal Herriko Historiari lotuta komiki-kontakizun bilakatzeko aukeratu den momentua.

Komiki Lehiaketa

Gure herriaren Historiaren momentu zehatz batean gertatutakoa komiki-kontakizun bilakatzeko helburuarekin abiarazi zuten iaz ikastolen jaiek Euskal Herriko Ikastolen Komiki Lehiaketa. Aurtengoa beraz, bigarren edizioa izango da. 14-16 urte bitarteko gazteei zuzendua, maiatzaren 15era arteko epea izango dute lanak aurkezteko; berauek bakarka edo taldean egin daitezke.

Komiki lehiaketaren bigarren edizio honetako gaia Gernikako bonbardaketa izango da.

Lehiaketa irekia da adin tarte horretako gazte guztientzat (ez da derrigorrezkoa ikastola bateko ikasle izatea) eta teknika ere librea izango da, lanak PDF formatuan aurkeztu beharko diren arren. Lanak euskaraz idatziko dira eta lau orrialdetako luzera izango dute gehienez (komikiaren azala bosgarrena izango da). Jasotako komiki lan guztien artetik onena zein den ebatziko du epaimahaiak, eta sari gisa Xabiroi komiki aldizkariaren 2022ko urriko zenbakian argitaratua izango da. Gainera aurkezten diren lanak ikastolen jaien webguneetan izango dira ikusgai.

Nolanahi, lehiaketa baino, parte-hartzea sustatzea bilatzen da. Horregatik, parte-hartzaile guztiek Xabiroi aldizkariaren urteko harpidetza jasoko dute eta parte hartzaile guztien artean Xabiroi bildumak zozketatuko dira. Halaber, puntu gehien lortzen duten egileak edo egileek tablet bana jasoko dute.

Lehiaketaren oinarri-arauak eta informazio osagarria:

HEMEN

Azken albisteak

2022/11/29
"Pailazo jaio nintzen ta pailazo bizi. Zapata haundi ta sudur gorri eta guzti! Ofizio hoberik ezin da ikasi, barre egin arazi eta mundua ikusi. Ikuskizun hau ez da bukatuko bela. Zin dagizuet mundiala izan dela, eta berriro…
2022/11/11
Azaroaren 27an, Ekain Pailazoa egongo da euerdiko 12:30tan frontoian. Euria balego, ikastolako jantokian. #xe#ibilaldia2023@zubizaharikastola
2022/10/22
Lagun giroan jokatu zen zapatuko ping-pong txapelketa. Herriko 50 lagun inguru batu ziren, jolastu eta arratsalde ederra pasatzeko gogoz!