IBILALDIA planteatzeko orduan nahiko argi izan dugu Betiko eta Ander Deuna ikastoletako komunitatea osatzen dugun pertsonek erarik ahalik eta kooperatiboenean egin behar genuela Ibialaldiaren egitaraua eta baita Ibilaldiak bereak dauzkan gainerako osagaiak ere; kanta, esate baterako. Egia da ere, are gehiago sortze lana den kasuetan, zaila dela hainbat bururen iritzi eta proposamenak batzearekin batera sortze lan batek behar duen kalitatea bermatzea. Zentzu horretan, eta ezer baino lehen, hasiera hasieratik kantaren osaketa lan honetan parte hartu duzuenoi gure eskerrik zintzoenak emotea; ekarpenak egin dituzuenoi eta borondaterik onenarekin hurreratu zareten guztioi.
