2026an Kirikiño Ikastolak hartuko du Ibilaldia antolatzeko ardura. Eta ez edozein testuingurutan: Bilbon, euskararen presentzia eta erabilera indartzeko erronka handi bezain zirraragarrian.

1. Hezkuntza eta euskal kultura

• Euskararen transmisioa eta erabilera erdigunean jartzea, bai ikas komunitatean eta bai hiriko gizarte zabalagoan.
• Euskal kulturan oinarritutako hezkuntza eskaintza sustatzea eta ikusgarri egitea.
• Hezkuntza eraldatzailea eta berritzailea bultzatzea, auzogintzan eta herrigintzan errotua.
• Ikasleen ongizate emozionala zaindu eta lehenesteko gune eta esperientziak sortzea.

2. Kirikiño Ikastolaren proiektua sendotzea

• Ikastolaren nortasuna eta proiektu kooperatiboa zabaltzea, ezagutaraztea eta finkatzea.
• Kirikiñoren errotzea Bilbon eta inguruko auzoetan indartzea, ikastola hiri osoarekin konektatuz.
• Hezkuntza espazioen eraldaketa proiektuari babesa ematea, Ibilaldiaren bitartez baliabide ekonomikoak lortuz.

3. Herrigintza eta komunitatearen aktibazioa

• Bilbo euskaldunaren aldeko herritarren parte-hartzea aktibatzea.
• Herriko eta auzoko talde eragileekin elkarlana indartzea, Ibilaldia elkarrekin eraikitzeko.
• Euskarazko aisialdi eta kultur ekimenetarako erreferente dinamikoa izatea.
• Hiriaren ikuspegitik, auzotik hiritik ekitea: Bilbo guztia kontuan hartzen duen ekimena izatea.

4. Inklusibitatea, parekidetasuna eta jasangarritasuna

• Jai inklusiboa diseinatzea: behar ezberdinak dituzten pertsona guztientzako irisgarria eta atsegina.
• Parekidetasuna eta hezkidetza modu zehatz eta bisibilean lantzea, ikuspegi kritiko eta eraikitzailetik.
• Jasangarritasuna ekintza guztietan txertatzea:
  • Garraio publikoaren erabilera lehenetsiz (metroa, tranbia, trena, autobusa…).
  • Naturarekin harreman arduratsua bermatuz.
  • Hondakin gutxiago sortu eta birziklapena erraztuz.

5. Zehar-lerroak: eguneroko balioetatik ospakizunera

• Euskara: sustapena eta erabilera testuinguru guztietan indartzea.
• Partaidetza: ikastola komunitate osoaren eta herriko eragileen inplikazioa.
• Inklusioa: guztiontzat pentsatutako Ibilaldia, ez soilik sarbide fisikoan, baita kulturalki eta emozionalki ere.
• Baloreen sozializazioa: bizikidetza, herritartasun aktiboa, kalitatea eta hobekuntzaren aldeko jarrera,...