Ikastolako Jaialdian gure Ibilaldiko logoa eta leloa aurkeztu ditugu
Ibilaldia 2026 gero eta hurbilago dago, eta aurrera jarraitzen dugu lanean! Maiatzaren 31n, gure Ikastolako Jaialdian, gure lelo eta logo izango direnak aurkeztu genituen!
Aurkezpena Imanol Ituiño mago eta gure ikasle ohiaren eskutik etorri zen. Magiaren bidez, une berezi eta hunkigarria sortu zuen, komunitate osoak elkarrekin partekatzeko modukoa. Zorionak eta mila esker, Imanol!
Lelo eta logoa guztion artean egindako lanetik jaio da, duela hilabete batzuk antolatu genuen sormen tailerrean: ikasleak, irakasleak eta familiek parte hartu zuten ideiak elkartrukatzen eta marrazkiak sortzen. Hemen dugu egun horren laburpen txiki bat:
Eskerrik asko parte hartu duzuen guztioi eta, bereziki, jaialdian aurkezpenean parte hartu zenuten guztiei. Egun hunkigarria izan zen eta aurtengo urrats hau izango da 2026ko Ibilaldia ahaztezina bihurtzeko bidearen hasiera!
Eta gogoratu: garaiz zaudete oraindik Ibilaldiko lantalderen baten sartzeko eta Ibilaldia prestatzen laguntzeko. Esteka honetan informazio gehiago daukazue!
