Skip to main content

Ikastolako jaialdia 2025

Larunbatean Ikastolako Jaialdia ospatu genuen

ikastolako jaia

Joan den larunbatean, maiatzaren 31n, ospakizun handia izan genuen Kirikino Ikastolan: IKASTOLAKO JAIALDIA. Egun osoko egitaraua prestatu genuen, eta familiek, ikasleek eta irakasleek elkarrekin gozatzeko aukera paregabea izan zuten.

Goizeko 12:00etan hasi ginen, ibilaldiaren logo eta leloa aurkeztu genituen Imanol Ituño ikasle ohiaren laguntzarekin. Txupinazoarekin batera, arropa aurkezteko desfilea izan genuen eta ibilaldiko denda ere ireki zen.

Goizeko unerik arrakastatsuena kuadrillen arteko paella txapelketa izan zen. Giro bikaina sortu zen sukalde inguruan, eta eguerdian paella onenak aurkeztu eta saritu ziren.

Arratsaldean,  haurrentzako puzgarriek eta jolasek hartu zuten protagonismoa, eta familientzako eta ikasleentzako txapelketekin jarraitu genuen: futbolin, mus, eskupilota, futbol punteria, herri kirolak… Aukera zabala izan zen parte hartzeko eta ondo pasatzeko!

Eta festa borobiltzeko, DJ Kaktus arduratu zen musika eta giro ezin hobea jartzeaz 18:00etatik aurrera.

Eskerrik asko parte hartu duzuen guztioi, eta bereziki jaialdi hau posible egin duzuen guztiei. Gora Kirikino Ikastola!

Azken albisteak

Zuen laguntza behar dugu! Ikastolatik, Ibilaldiko hurrengo materialei forma emateko, komunitate osoa, familiak eta langileak elkartzeko une bat sortu nahi dugu.

Datorren urriaren 16an Portua zeharo piztuko dugu! 🚀 Santurtziko itsas airea, euskal kultura, dantzarako gogoak eta giro paregabea batera. Ibilaldia '27ren aurkezpen ofiziala egingo dugu, eta ziurtatzen dizugu ez dela…

Gaur arratsaldeko 17:00etan, Bihotz Gaztea Ikastolak urrats garrantzitsua eman du Ibilaldia 2027 jaiaren antolaketan. Hezkuntza komunitate osoa ikastolan bildu da jai euskaltzale honen xehetasunak, lan-taldeak eta helburu…

Batzorde batzuek lehen urratsak eman dituzten arren, gainontzeko lan-taldeak abian jartzea da hurrengo helburua.