2026ko Ibilaldiarekin lotutako ekimena 11:30ean hasiko da txikientzat, eta, ordubete geroago, nagusientzat
Kirikiño Ikastolak antolatuko du 2026ko Ibilaldia datorren urteko maiatzaren 31n Bilbon, baina egun handia iritsi bitartean, Bilboko Ikastolak hainbat ekimen egingo ditu ikasturtean zehar. Hala, datorren iganderako, irailaren 28rako, Sendoa Atletismo klubarekin elkarlanean IBILKROSA lasterketa herrikoia prestatu du Txurdinagako Europa Parkean.
Dortsalak egunean bertan emango dira Kirikiño Ikastolako Gabriel Arestiko eraikinean lasterketa baino lehen, eta arropak gordetzeko zerbitzua eskainiko da.
· Hauxe da IBILKROSAren ordutegia:
11:30 – Prebenjaminak (2019-2018) → 250 m
11:40 – Benjaminak (2017-2016) → 500 m
11:50 – Kimuak (2015-2014) → 1.000 m
12:00 – Umeak / Kadeteak (2013-2012-2011) → 1.500 m
12:20 – Txikiak (2022-2021-2020) → 100 m
12:30 – Lasterketa herrikoia (2010 eta aurrekoak) → 1.600 m
· Hemen dituzue partaideentzako azalpenak: Jarraibideak.
Ibilaldiaren alde
Krosa, kirola, euskara eta festa uztartzeko aukera paregabea izango da IBILKROSA, eta parte hartzeko formulario hau bete behar da. Korrika egiteaz gain, helburuak euskara kalera ateratzea, ikastolen proiektua zabaltzea eta Ibilaldiaren aldeko giroa piztea dira.
Animatu zaitezte ekitaldiaz gozatzera eta etorri Ibilaldiko arroparekin!
Kamisetak eta bestelako produktuak egunean bertan erosi ahal izango dira Ikastolan, BIL DENDAn, eta noiznahi, online.
