Skip to main content

Gau Beltza ospatuko du Kirikiño Ikastolak

2026ko Ibilaldiko produktuak erosi ahal izango dira gau magikoan Ikastolan

Kirikiño Ikastolak antolatutako Gau Beltzaren kartela

Azken urteetan egin ohi duen bezala, Euskal Herriko tradizioari eutsiz, Kirikiño Ikastolak Gau Beltza ospatuko du urriaren 31n ikastolan bertan, eta hamaika ekimen prestatu ditu umeen zein nagusien gozamenerako.

Arratsaldea indartsu hasteko, 17:30ean, gaztaina erreak egongo dira Ikastolan eta, ordu erdi geroago, tailerrak hasiko dira. Jarraian, Lehen Hezkuntzako 3. mailara arteko haurrek Gau Beltzaren hain elementu bereizgarria den kalabaza hustuko dute eta etxera eraman ahalko dute egun horretako oroigarri gisa. 

Nagusiagoek ere ederto pasatzeko abagunea izango dute. Lehen Hezkuntzako 4. mailatik aurrerako ikasleak kalabaza misteriotsuaren bila abiatuko dira 18:30ean eta, ordubete geroago, 19:30etik aurrera, musikaz gozatu ahalko da Ikastolan. 

 

Taloak eta BIL-DENDA 

Taloak jateko aukera ere egongo da, eta BIL-DENDAn 2026ko Ibilaldiko produktuak erosi ahal izango dira, nagusientzat eta umeentzat.

Azken albisteak

Herri Kirolen Desafioa bertan behera

Kirikiño Ikastolak antolatutako Herri Kirolen Desafioa bertan behera geratu da

Igande honetarako iragarritako eguraldi txarra kontuan hartuta, Kirikiño Ikastolak Herri Kirolen Desafioa bertan behera uztea erabaki du.
Herri_Kirolen_Desafioa_2026_01_25_Kirikiño_ikastola_ibilaldia

Ibilaldia 2026ri begira, Herri Kirolen Desafioa Kirikiño Ikastolak antolatutako aurre-ekitaldien barruan, urtarrilaren 25ean

Santutxu auzoak Herri Kirolen Desafioa hartuko du 2026ko urtarrilaren 25ean, 11:00etatik 15:00etara, Kirikiño Ikastola antolatzen ari den Ibilaldia
Sei Izar Herri Krosean Kirikiño Ikastolako lagunak Ibilaldia 26ko kamisetekin

Ibilaldiak Santutxuko SEI IZAR krosean hartuko du parte urtarrilaren 6an

Santutxu Familia Elkarteak Santutxuko SEI IZAR Herri Krosa antolatu du urtarrilaren 6an, goizean. Aurtengoa, 46.
Gehiago