Skip to main content

Gure sustraietatik... Hiri Kiribili Bil!

Kirikiño Ikastolak omenaldi berezia egingo die bere kooperatista ez-erabiltzaileei Ibilaldia 2026ren aurre-ekitaldien baitan

Begoña Bengoa eta Josu Meabe, Kirikiño Ikastolako erreferenteak

Kirikiño Ikastolak antolatuko duen 2026ko Ibilaldia ospatzeko aurre-ekitaldien barruan, Ikastolak omenaldi eta bazkari berezia egingo die kooperatibista ez-erabiltzaileei larunbatean, azaroaren 15ean. Ekitaldi honek Ikastolaren komunitatearen parte izan diren bazkide historikoei eta euren seme-alabei partaidetza laga dietenei aitortza eta eskerrona adieraztea izango du helburu.  

Kirikiño Ikastolak nabarmendu nahi du urte hauetan guztietan egindako lana eta ekarpena, Ikastolaren proiektuaren oinarriak sendotzen lagundu baitute. Datorren urteko Ibilaldirako hilabete batzuk falta direnean, omenaldi hau aukera paregabea izango da Ikastolaren sustraiak gogoratzeko eta etorkizunari begira komunitatea indartzeko. 

Aurreskua, abesbatza eta euskal kantak

Ekitaldian, aurreskua eta Kirikiño Ikastolako koroaren emanaldia izango dira Gabriel Arestiko eraikinean. Bazkaria 14:30ean egingo da Ikastolan bertan, giro goxo eta parte-hartzailean. Bazkalostean, euskal kantek hartuko dute protagonismoa, eguna euskaraz eta elkarrekin ospatzeko.

Omenaldiaren testigantza gisa, Ikastolako erreferente izan diren Josu Meabe eta Begoña Bengoa egon dira astearte honetan Kirikiño Ikastolan. 

Ekitaldi hau Kirikiño Ikastola antolatzen ari den hainbat aurre-ekitaldietako bat izango da, Ibilaldia 2026ko motorrak berotzen jarraitzeko eta gure sustraietatik abiatuta etorkizunera begira jarraitzeko.

 

Azken albisteak

Zuen laguntza behar dugu! Ikastolatik, Ibilaldiko hurrengo materialei forma emateko, komunitate osoa, familiak eta langileak elkartzeko une bat sortu nahi dugu.

Datorren urriaren 16an Portua zeharo piztuko dugu! 🚀 Santurtziko itsas airea, euskal kultura, dantzarako gogoak eta giro paregabea batera. Ibilaldia '27ren aurkezpen ofiziala egingo dugu, eta ziurtatzen dizugu ez dela…

Gaur arratsaldeko 17:00etan, Bihotz Gaztea Ikastolak urrats garrantzitsua eman du Ibilaldia 2027 jaiaren antolaketan. Hezkuntza komunitate osoa ikastolan bildu da jai euskaltzale honen xehetasunak, lan-taldeak eta helburu…

Batzorde batzuek lehen urratsak eman dituzten arren, gainontzeko lan-taldeak abian jartzea da hurrengo helburua.