2026koa 46. edizioa da eta korrikalariz beteko ditu auzoko kaleak beste behin
Santutxu Familia Elkarteak Santutxuko SEI IZAR Herri Krosa antolatu du urtarrilaren 6an, goizean. Aurtengoa, 46. edizioa da, eta Ibilaldia ere presente egongo da, Bizkaiko ikastoletako jai handia ospatzeko hilabete batzuk baino falta ez direnean. Hala, HIRI KIRIBILI BIL lelodun kamisetek kolorez zipriztinduko dituzte Bilboko auzoko kaleak.
Lasterketa 11etan hasiko, txikientzat, eta 11:30ean helduentzat, baina Kirikiño Ikastolako lagunentzako hitzordua 10:30ean izango da, Basarrateko zuhaitzean. Han, denak elkartu eta argazkia egingo da. Animatu eta Ibilaldiko kamisetak jantzi!
ORDUTEGIA:
11:00 – Haurrak (1,7 km)
11:30 – Helduak (7,5 km)
IZEN-EMATEA:
Izena emateko aukerari dagokionez, lasterketa egunera arte egin ahalko da, krosa hasi baino hamar minutu lehenagora arte, hain zuzen.
Kirikiño Ikastolako lagunak lasterketaren atzeko aldean batuko dira, denok elkarrekin, eta hala Ibilaldia ere presente egongo da Santutxuko SEI IZAR Herri Krosean Bizkaiko Ikastolen jaiak Bilboko kaleak berriro ere euskaltzalez beteko dituen urtean.
