Bihar egitekoa zen Herri Kirolen Desafioa ez da aurrera eramango eguraldi txarra dela eta
Igande honetarako iragarritako eguraldi txarra kontuan hartuta, Kirikiño Ikastolak Herri Kirolen Desafioa bertan behera uztea erabaki du.
Ekimena Kirikiño Ikastola antolatzen ari den Ibilaldia 2026 ospatzeko aurre-ekitaldien egitarauaren barruan zegoen eta jardueraren helburua Santutxu, Txurdinaga eta Otxarkoaga auzoetako elkarteen arteko parte-hartzea, lankidetza eta jai-giroa sustatzea zen, euskal kirol tradizionalen bidez.
Ikasturtean zehar, hainbat ekintza prestatzen ari da Kirikiño Ikastola, eta hala egiten jarraituko du. Dagoeneko, jarduera sorta zabala antolatu ditu, aurten Kirikiño Ikastolak berak prestatuko duen Ibilaldia 2026rako motorrak berotzeko. Datozen hilabeteotan, ekintza gehiago eramango dira aurrera.
