Urtarrilean bertan behera geratu zen desafioa, eguraldi txarra zela eta
Ibilaldia 2026 ospatzeko bidean, ekintzaz ekintza komunitatea aktibatzen eta elkartzen jarraitzen du Kirikiño Ikastolak. Hurrengo hitzordua apirilaren 18an izango da, urtarrilean bertan behera utzi behar izan zen Herri Kirolen Desafioari berriro helduko baitiote, baina aldaketa txikitxo batekin.
Kategoriaka antolatuko da Herri Kirolen Desafioa; horrela, nagusiek zein umeek parte hartzeko aukera izan dezakete. 3 kategoria egongo dira:
- Umeak LH 3-4
- Umeak LH 5-6
- Nerabeak eta helduak
Taldeak gutxienez 8 pertsonaz osatuta egon behar du.
Helburua, lehiatzea baino gehiago, elkarrekin ondo pasatzea eta euskal kultura erdigunean jartzea da.
Herri kirolez gain, gozatzeko aukera egongo da:
- ume txikientzat, puzgarriak
- taloak eta edatekoak erosteko
Herri Kirolen Desafioan izen emateko esteka honetan sakatuta egin daiteke apirilaren 10era arte.
Herri Kirolen Topaketan parte hartzen animatu!
Data: 2026ko apirilaren 18a, larunbata
Ordutegia: 17:00etatik aurrera
Lekua: Kirikiño Ikastola (Gabriel Aresti, 22)
Ibilaldia 2026 guztion artean egiten dugu! Hiri Kiribili Bil!
