Egunero Ibilaldia izateko egun bat gutxiago falta dela gogoratuko dute Kirikiño Ikastolako ikasleek
Kirikiño Ikastolak 100 eguneko atzera kontaketa abiatu du gaurtik aurrera, maiatzaren 31n ospatuko den Ibilaldia gero eta gertuago dagoela gogoratzeko. Bilboko Ikastolak du Bizkaiko Ikastolen jai handia antolatzeko ardura aurten, eta egun hori gogoan izango du Ikastolako komunikateak ekimen parte-hartzaile baten bidez.
Hala, atzera kontaketa Ikastolako pasarelan jarriko da ikusgai, eta LHko ikasleak izango dira eguneratzeaz arduratuko diren protagonistak.
Ilusio handia
Helburua argia da: giroa sortzea, ilusioa piztea eta ikasleak Ibilaldiaren prestaketa prozesuan parte aktibo sentitzea. Egunero zenbakia aldatuz, ikasleek beraiek egingo dute Ibilaldirako bidea, komunitate osoari ekimena gerturatzen ari dela gogoraraziz.
Atzera kontaketa ikastolako pasarelan egongo da ikusgai, eta egunez egun, ilusioa handitzen joango da. Ekimen honen bidez, Kirikiño Ikastolak euskararen aldeko jaialdi handiaren atarian komunitatea batu eta motibatu nahi du.
Maiatzaren 31 gero eta gertuago dago. Denok Ibilaldira!
