Beste behin, Kirikiño Ikastolako komunitateak Santutxuko inauterietan hartu du parte, Ibilaldia gogoan
2026ko Santutxuko inauteriak arrakastatsuak izan dira oso, eguraldiak lagunduta, eta, beste urte batez, Kirikiño Ikastolako komunitatea bertan izan da. Dozenaka ume, guraso, irakasle, langile eta lagun batu dira desfilera, Santutxuko kaleetara kolorea, alaitasuna eta musika eramanez.
Munduko inauteriak
Aurten, gainera, urte berezia da Kirikiño Ikastolarentzat, Ibilaldia antolatuko duelako maiatzaren 31n Bilbon, eta komunitatea ilusioz ari da Ikastolak prestatutako ekimenetan parte hartzen. Asteburu honetan, Santutxuko kaleak girotu dituzte oso bestelako mozorroekin, munduko inauteriak izan baita Kirikiko Ikastolak aukeratutako gaia.
Desfilea eta gero, komunitatea Kirikiño Ikastolan bertan bildu da denak elkarrekin bazkaltzeko.
