Jaia 17:00etan hasiko da eta kirola eta musika nagusituko dira
Kirikiño Ikastolak Herri Kirolen Desafioa prestatu du Ikastolan bertan larunbatean, apirilaren 18an, 2026ko Ibilaldia antolatzen ari den urtean, motorrak berotzeko. Hainbat ekimen egin ditu eta egingo ditu maiatzaren 31 bitartean Kirikiño Ikastolak komunitateko kide guztiekin batera hain urte bereziaz gozatzeko, eta hurrengoa larunbat honetan izango da, Herri Kirolen Desafioa, hain zuzen.
Kirol proba kategoriaka antolatuko da. Hartara, haurren bi talde egongo dira: alde batetik, Lehen Hezkuntzako 3. eta 4. mailakoak, eta bestetik, 5. eta 6. mailakoak. Horrez gain, nerabe eta helduen beste kategoria bat egongo da; beraz, umeek zein nagusiek hartu ahalko dute parte. Banaketa, beraz, hau izango da:
- Umeak LH 3-4
- Umeak LH 5-6
- Nerabeak eta helduak
Taldeak, gutxienez, 8 pertsonaz osatuta egongo dira, eta helburua, lehiatzea baino gehiago, elkarrekin ondo pasatzea eta euskal kultura erdigunean jartzea da.
Jaia arratsaldeko bostetan hasiko da eta herri kirolen probez gainera, bestela ere ondo pasatzeko aukera egongo da, ume txikientzat, puzgarriak egongo baitira, eta denontzat, taloak eta edatekoak erosteko abagunea, karaokea eta bingo musikatua.
- Data: 2026ko apirilaren 18a, larunbata
- Ordutegia: 17:00etatik aurrera
Lekua: Kirikiño Ikastola (Gabriel Aresti, 22)
- 17:00: Jaiaren hasiera
- 17:00-20:30: Puzgarriak umeentzat
- 17:15: Herri Kirol Desafioa Patio Gorrian
- 19:00: Karaokea Areto Berrian
- 20:00: Bingo Musikatua Patio Gorrian
- 22:00: Jaiaren amaiera
Ibilaldia 2026 guztion artean egiten dugu! Hiri Kiribili Bil!
