Ikasi genuen gizakion asmakizun guztiek aurretiko islada daukatela naturan eta azken hau zaintzeko ezinbesteko beharra dugula, matematikak bere errealitate propioa daukala eta errealitate horren barruan ikerketak eraiki daitezkela, argiaren propietateak erabili ditzakegula materialen berezitasunak ezagutzeko eta ondoren, maila ezberdinetan aplikatu ahal izateko, eta gure zeluletako molekula txiki batzuk aztertuz minbizia bezalako gaixotasunak hobeto ulertu ditzakegula eta, era honetan, sendatzeko bidean aurrerapausuak eman.
Horretaz gain, zientzialarien lanbidearen errealitatea ere erakutsi ziguten: bere lanari aurre egiteko izan dituzten inspirazio edo erreferenteak, ikerketak gauzatzeko aurkitzen dituzten zailtasunak eta erronkak, arlo diferenteen jakintzen beharra oztopoak gainditzeko eta eguneroko lanan euskerak daukan presentzia eta garrantzia.
Eskerrik asko lauroi zuen denbora, jakituria, jakin-mina eta pazientzia eskaintzeagatik; gehiago ikasteko gogoekin geratu gara.
Gure Txonbo solasaldien ekuatorea pasata, hurrengo solasaldietara gerturatzeko gonbitea egiten dizuegu, bai aurrekoetara etorri zinetenoi, bai oraindik gure ekimena ezagutzen ez duzuenoi.
Hurrengo solasaldien datak hurrengoak dira:
Liburuetan TXONBO!
- 2024ko otsailaren 22an, 18:30tan Villamonteko kultur etxean.
- Hizlariak: Unai Elorriaga, Aritza Bergara eta Lizar Begoña.
Kiroletan TXONBO!
- 2024ko martxoaren 13an, 18:00etan Villamonteko kultur etxean.
- Hizlariak: Iker Acero (surfa), Arrate Orueta eta Endika Guarrotxena (futbola) eta June Kortazar (dantza).
Laster arte!
Ibone Ametzagak, Jone Uriak, Jon Azkargortak eta Jone Mitxelenak aukera eman ziguten, oso giro atseginean, zientziaren munduan murgiltzeko eta bere esperientziak pertakatzeko.
