“Magaletik herrire, euskera erdire” izan da Galdakaoko Eguzkibegi Ikastolak aurkeztu berri duen Ibilaldiaren leloa.
Leloa sortzeko prozesua erabat kooperatiboa izan da. Arlo guztietako pertsonen parte-hartzearekin, ikastolaren eta herriaren ezaugarriei buruzko hausnarketaren ondorioz Ikastolen Elkartearekin elkarlanean.
Sortzaileen hitzetan: “Ikastolak eskaintzen duen familia giroa islatzen du magalak, eta era berean ikastola kokatuta dagoen mendi magalari ere egiten dio erreferentzia".
Aldi berean, “herrira” horrekin ikastolak herriarekin duen lotura islatzen du, izan ere, ikastola herrira doa eta ikastola herria ere bada.
Leloarekin batera diseinatu den logoak ere balore eta ezaugarri horiek transmititu nahi ditu. Koloreen gainjartzeak familien, herriaren eta ikastolaren ikur diren elementuen batasuna adierazten du. Bertan Galdakaoko mendiak eta eguzki izpiak ere sumatu daitezke, beste batzuen artean.
