Kalabazak hustu, kandelak piztu, ta ohitura zaharrak berpiztu! Urriaren 31an Gau Beltza edo Arimen Gaua ospatuko dogu Galdakaoko pilotalekuaren inguruan.
Gau Beltza urriaren 31ren bueltan ospatzen da Euskal Herrian, eta ohitura zaharrak berreskuratuz, Galdakaoko frontoiaren inguruan Arimen gaua ospatuko dogu. Euskaldun giroan eta iluntasuna lagun, izarak jantzi eta mamu zaharrak kaleratzeko gau berezia izango da, ekintza beldurgarriz josita...
- 18:00 Ipuin kontalaria
- 18:30 Tailerren hasiera
- 19:30 Kalejira Goloka antzerki taldearen eskutik. Frontoia - Santi Brouard - Muguru - Iturrondo - Frontoia
- 20:30 Photocall eta mozorro lehiaketa
Saria edo Ziria jolasa, beldurrak erre, edabe magikoak ta gaztaina erreak, ikarak, izuak, goxokiak, musika...
- 22:30 Mozorro lehiaketako sari banaketa
Izara jantzi ta zatoz beldurrak piztera!
